കടുത്തവേനലില്‍ ശുദ്ധജലം കിട്ടാതെ നഗരവാസികള്‍ വിഷമത്തില്‍. പല പൊതു ടാപ്പുകളും ഉപയോഗശൂന്യമായത് കുടിവെള്ളം കിട്ടാനുള്ള പ്രയാസം വര്‍ധിപ്പിച്ചിട്ടുണ്ട്. വര്‍ഷങ്ങളായി കരിമ്പത്തു നിന്നാണ് നഗരസഭയിലേക്ക് വെള്ളം പമ്പ് ചെയ്യുന്നത്. കരിമ്പം പുഴയില്‍ വെള്ളം കുറഞ്ഞത് പമ്പിങ്ങിനെ കാര്യമായി ബാധിച്ചിട്ടുണ്ട്. പരിഹാരമായി ജപ്പാന്‍ പദ്ധതിയിലൂടെ നഗരസഭയിലെത്തുന്ന ശുദ്ധജലം വാട്ടര്‍ അതോറിട്ടിയുടെ ടാങ്കിലേക്ക്കൂടി എത്തിക്കണമെന്ന ആവശ്യം ഉയര്‍ന്നു.
