സൗകര്യപ്രദമായ ബസ്‌സ്റ്റാന്‍ഡ്, പച്ചക്കറി മാര്‍ക്കറ്റ്, ഓഡിറ്റോറിയം എന്നിവ നിര്‍മിക്കുന്നതിന് മുന്‍ഗണന നല്‍കുന്ന പ്രകടനപത്രികയില്‍ യാത്രാസൗകര്യം വര്‍ധിപ്പിക്കുന്നതിന് കൈവരികളോടുകൂടിയ നടപ്പാതയും പ്രധാന കവലകളില്‍ ഓട്ടോമാറ്റിക് ട്രാഫിക് നിയന്ത്രണ സംവിധാനവും ഏര്‍പ്പെടുത്തും.
റോഡുകളുടെ നിലവാരം മെച്ചപ്പെടുത്തും. പറശ്ശിനി മടപ്പുര, തൃഛംബരം-രാജരാജേശ്വര ക്ഷേത്രങ്ങളെ ഉള്‍പ്പെടുത്തി തീര്‍ഥാടക ടൂറിസം പദ്ധതി നടപ്പാക്കും.മാലിന്യം വീടുകളില്‍നിന്ന് ശേഖരിക്കും.
നഗരത്തെ പ്ലാസ്റ്റിക് വിമുക്ത മേഖലയാക്കും. അയ്യങ്കാളി തൊഴിലുറപ്പ് പദ്ധതി നടപ്പാക്കും. ആണ്‍കുട്ടികളുടെ പ്രീമെട്രിക് ഹോസ്റ്റലിന് സ്വന്തമായി കെട്ടിടം നിര്‍മിക്കും, നഗരസഭാ ലൈബ്രറി കമ്പ്യൂട്ടര്‍വത്കരിച്ച് ഇ-ലൈബ്രറിയായി ഉയര്‍ത്തും തുടങ്ങി പ്രവര്‍ത്തനങ്ങള്‍ പ്രകടനപത്രികയില്‍ വാഗ്ദാനം ചെയ്യുന്നു. വാടി രവീന്ദ്രന്‍, വേലിക്കാത്ത് രാഘവന്‍, സി.വത്സന്‍ മാസ്റ്റര്‍, സി. രാമചന്ദ്രന്‍ നായര്‍, കെ. സന്തോഷ് എന്നിവര്‍ പങ്കെടുത്തു.
കടപ്പാട്: മാധ്യമം
0 comments:
Post a Comment